ANGALIA STRAIKA WA BARCELONA ATAKIWA MAHAKAMANI SEPTEMBA 17

JAJI wa Mahakama huko Nchini Spain ametoa samansi ya kumtaka Nyota wa Barcelona Lionel Messi awepo Mahakamni Septemba 17 kuhusiana na tuhuma za udanganyifu ili kukwepa kulipa Kodi.

Messi, mwenye Mika 25 ambae amekuwa Mchezaji Bora Duniani mara 4, pamoja na Baba yake Mzazi wanadaiwa kuhadaa na kukwepa kulipa Kodi ya zaidi ya Euro Milioni 4 kwa kutumia Kampuni za nje ya Spain, za huko Belize na Uruguay, kuuza Haki za Picha za Messi.

Messi na Baba yake wamekana tuhuma hizo.

Inaaminika Mshahara wa Messi kutoka Klabu yake Barcelona ni kiasi cha Euro Milioni 16 kwa Mwaka, kipato ambacho kinamfanya awe mmoja wa Wanamichezo wanaolipwa Fedha nyingi Duniani.

Pia, Messi ana Mikataba kadhaa wa kadha na Wadhamini wakubwa Duniani inayomuingizia Mamilioni ya Fedha.

Inadaiwa Messi na Baba yake, Jorge, wanahutumiwa kuhadaa mara 3 ulipaji wa Kodi halali kwa Serikali ya Spain na Mapato yanayohusishwa na tuhuma hizo ni yale yanayohusiana na uuzwaji wa Picha zake katika Mikataba yake na Kampuni za Banco Sabadell, Danone, Adidas, Pepsi-Cola, Proctor and Gamble na Kuwait Food Company.

Ikiwa atapatikana na hatia Messi anaweza kupewa Kifungo cha Miaka 6 Jela pamoja na Faini kubwa juu.

Akizungumzia tuhuma hizo kwenye Ukurasa wake wa Mtandao wa Facebook, Messi aliandika: “Hatujafanya kosa lolote. Daima tumekuwa tukitimiza wajibu wetu katika majukumu yetu ya Kodi.”

Mafanikio ya Messi katika Soka yamemfanya Mchezaji huyo awe na Soko kubwa la uuzwaji wa Picha zake na Matangazo.

Messi ni Mchezaji alietokea kwenye Familia ya kimasikini na alijiunga na Barcelona akiwa na Miaka 13 hapo Mwaka 2000 na kuanza kuichezea Timu ya Kwanza Miaka mitatu baadae.

Rais wa Barcelona, Sandro Rosell, amesema Klabu yao haina wasiwasi kuwa Nyota wao hana hatia ya kukwepa Kodi.Posted by Www.Thesuperonenews.bolgspot.com