UCL: BARCA WAIKARIBISHA AJAX NOU CAMP JUMATANO! KIMBEMBE KWA MANCHESTER UNITED LEO

BARCELONA na AJAX ni Klabu kubwa na zenye Historia iliyotukuka Barani Ulaya, huku zote zikiwa zimetwaa Ubingwa wa Ulaya mara 4 kila mmoja, lakini cha ajabu ni kuwa Klabu hizi hazijawahi kukutana na Jumatano.

 Mechi ya Kundi H la UEFA CHAMPIONZ LIGI, UCL, itakayochezwa Nou Camp itakuwa Mechi yao ya kwanza kabisa.

MAFANIKIO YA BARCA, CHIMBUKO AJAX NA JOHAN CRUYFF!!

AJABU: NI MARA YA KWANZA KABISA KUKUTANA!!

Huko Nou Camp, Wadau wake daima hawataisahau Ajax kwani kuiiga kwao ndio kumezaa mafanikio makubwa kwa Barca katika Miongo mitatu iliyopita.

Ilikuwa Mwaka 1992 wakati Barca walipotwaa Ubingwa wao wa Ulaya kwa mara ya kwanza na wakati huo Meneja wao alikuwa Johan Cruyff ambae ndie alieiongoza Ajax kutwaa Ubingwa huo mara 3 akiwa Mchezaji wao.

Cruyff ndie alieuleta Mfumo wa 4-3-3 Barca na staili yao ya uchezaji ya sasa kuendelezwa na aliekuwa Mwanafunzi wa Cruyff, Pep Guardiola.

Kwa sasa Johan Cruyff ni Mshauri wa Ajax lakini hiyo Jumatano hatakanyaga Nou Camp kwa vile ana bifu na Rais wa Barca, Sandro Rosell.

Msimu huu, Barca hawajaanza kwa kishindo lakini wameshinda Mechi zao zote 4 za La Liga na pia kutwaa Super Cup ya Spain.

Jumamosi walihitaji Bao la Dakika za Majeruhi la Alexis Sanchez kuifunga Sevilla Bao 3-2 baada ya kubwaga uongozi wa Bao 2-0 katika Dakika 10 za mwisho.

Msimu huu, Barca wapo chini ya Kocha mpya Gerardo ‘Tata’ Martino na kwa sasa Klabu ina matatizo ya Difensi huku Beki wa kushoto Jordi Alba akiwa nje kwa Wiki 3 kutokana na matatizo ya Musuli za Pajani na Nahodha Carles Puyol bado hayuko fiti baada ya kufanyiwa upasuaji kwenye Goti Niezi kadhaa iliyopita ingawa ameanza Mazoezi.

Kwa upande wa Ajax, ambao Jumamosi kwenye Ligi yao waliifunga 2-1 PEC Zwolle,  Kocha Frank de Boer, ambae aliwahi kuichezea Barca, anacho Kikosi kamili fiti akiwemo Fowadi Bojan Krkic ambae yuko Ajax kwa Mkopo kutoka Barca lakini yuko huru kuicheza Mechi hii.

UEFA CHAMPIONZ LIGI

RATIBA:

[Mechi zote Saa 3 Dakika 45 Usiku, Bongo Taimu]

Jumanne 17 Sep 2013

Manchester United FC v Bayer 04 Leverkusen

Real Sociedad de Fútbol v FC Shakhtar Donetsk

Galatasaray A.Ş. v Real Madrid CF

FC København v Juventus

SL Benfica v RSC Anderlecht

Olympiacos FC v Paris Saint-Germain

FC Bayern München v PFC CSKA Moscow

FC Viktoria Plzeň v Manchester City FC

Jumatano 18 Sep 2013

FC Schalke 04 v FC Steaua Bucureşti

Chelsea FC v FC Basel 1893

Olympique de Marseille v Arsenal FC

SSC Napoli v Borussia Dortmund

FK Austria Wien v FC Porto

Club Atlético de Madrid v Football Club Zenit

AC Milan v Celtic FC

FC Barcelona v AFC Ajax Posted by Thesuperonenews.blogspot.com