TOKA BRAZIL: DAVID LUIZ YAMKUTA MAKUBWA

WAKATI MASHINDANO ya FIFA ya Kombe la Mabara yakiendelea huko Nchini Brazil, zipo ripoti kuwa Wachezaji wa Timu ya Spain waliibiwa Hotelini kwao .

wakati wakiwa kwenye Mechi huku Mchezaji wa Brazil, David Luiz, kuvunjwa Pua kwenye Mechi ambayo sasa inahitaji operesheni, na pia Refa wa Uingereza, Howard Webb, kuguswa mno na Mashabiki wa Brazil ndani ya Estadio Castelao Mjini Fortaleza.

Spain waibiwa Hotelini

Wachezaji 6 wa Timu ya Spain waliibiwa Fedha zao kwenye Vyumba vyao vya Hoteli waliyofikia huko Mjini Recife Nchini Brazil wakati Timu yao ilipokuwa ikicheza Mechi yao ya ufunguzi na Uruguay.

Miongoni mwa Wachezaji walioibiwa ni pamoja na Beki wa Barcelona, Gerard Pique, na wizi huo ulitokea Jumapili wakati Spain wanaifunga Uruguaya Bao 2-1 katika Mechi yao ya Kundi B.

FIFA imethibitisha kutokea kwa tukio hilo na imesema Polisi wanachunguza.

Leo Usiku Spain wapo Mjini Rio De Janeiro kucheza na Tahiti katika Mechi yao ya Pili ya Kundi B.

Refa Howard Webb

Refa Howard Webb kutoka Uingereza ambae alichezesha Mechi ya Jumatano Usiku ya Kundi A la Kombe laMabara kati ya Wenyeji Brazil na Mexico iliyochezwa Estadio Castelao Mjini Fortaleza na Brazil kushinda Bao 2-0 inasemekana aliguswa sana na Mashabiki wa Brazil kabla ya Mechi hiyo kuanza kwa jinsi walivyoendelea kuimba wote kwa pamoja Wimbo wa Taifa wa Nchi hiyo hata baada ya kumalizika kuimbwa rasmi kurushwa na Spika za Uwanja huo.

Mechi hiyo ya Jana Usiku ilichezwa huku Nchi ya Brazil ikigubikwa na Maandamano makubwa ya Wananchi kupinga kupanda kwa Nauli za Usafiri na matumizi ya Fedha za Umma kwa kuandaa michuano hii ya Kombe la Mabara na zile Fainali za Kombe la Dunia zitakazochezwa pia Brazil Mwaka 2014.

Wakiwa wamejaa hisia, Mashabiki pamoja na Wachezaji wa Brazil wote kwa pamoja waliendelea kuimba Nyimbo ya Taifa hata pale ilipomalizika kwenye Vipaza Sauti.

Akielezea hisia za Refa Howard Webb, Kocha wa Brazil, Luiz Felipe Scolari, alisema: “Aliniambia katika maisha yake hajashuhudia kitu namna hii-mziki ukisimama lakini Watu wanaendelea kuimba! Aliniambia: “Felipe, ilinigusa sana!” Hilo kutoka kwa Mwingereza ina maana kubwa sana! Lazima tuwashukuru Watu wa Fortaleza kwa uzalendo wao na sapoti yao ambayo iliwatisha Mexico mwanzoni mwa Mechi na hilo ndilo tulilohitaji! ”

Beki wa Chelsea David Luiz avunjwa pua!

Beki wa Chelsea David Luiz anahitaji kufanyiwa operesheni ili kutibu pua yake iliyovunjika kwenye Mechi na Mexico baada ya kugongana na Beki mwenzake Thiago Silva.

Mara baada ya kuumia, Luiz ilibidi mara kadhaa kwenye Mechi hiyo atoke nje ili kuzuia kububujikwa kwa damu lakini alimudu kucheza Mechi yote.

Mwenyewe Luiz amethibitisha kuumia kwake aliposema: “Pua imevunjika na hiyo ni sehemu ya mchezo. Itabidi nisubiri hadi mwisho wa Mashindano ili nifanyiwe upasuajiposted by www.Thesuperonenews.blogspot.com