MAN UNITED WAPATA VARELA NA GOLIKIPA NO1 WA LIVERPOOL REINA AMTETEA SUAREZ JO NDANI BRAZIL!

MAN UNITED YAMSAINI KIJANA WA URUGUAY

Manchester United wamefikia makubaliano na Klabu ya Uruguay, Club Atletico Penarol, ili kumsaini Beki wao Chipukizi mwenye Miaka 20 Guillermo Varela.

Kijana huyo ndio Mchezaji wa kwanza kusainiwa tangu Meneja mpya David Moyes achukue nafasi ya Sir Alex Ferguson ambae amestaafu.

Varela amewahi kukaa kwa majaribio kwenye Kambi ya Man United  na mara baada ya kukamilisha Usajili wake alikimbilia kujiunga na wenzake wanaoshirki Mashindano ya FIFA ya Kombe la Dunia ya Vijana chini ya Miaka 20 yatakayochezwa huko Uturuki kuanzia Juni 21.

LIVERPOOL

KiPA wa Liverpool, Jose Reina, amesema Straika wao Luis Suarez lazima abaki Liverpool ingawa anaelewa sana kwanini anataka kuhama.

Suarez ameshatamka waziwazi kutaka kuhama England hasa kwa sababu ya vitendo vya Wanahabari vya kumwandama kufuatia yeye kukumbwa na kashfa kadhaa zilizomfanya apewe Vifungo vya Mechi 8 kwa kumkashifu kibaguzi Beki wa Man United Patrice Evra na hivi karibuni kufungiwa Mechi 10 kwa kumng’ata Beki wa Chelsea Branislav Ivanovic.

JO KUJIUNGA BRAZIL

Brazil wamelazimika kumchukua Straika wa Atletico Mineiro, Jo, ili kuziba pengo la Leandro Damiao ambae ameumia Musuli za Pajani kwa ajili ya matayarisho ya  Mashindano ya Fifa ya kombe la shirikisho

Jo anatarajiwa Jumapili kucheza Mechi ya Kirafiki Nchini Brazil na France.

Jo, Mweye Miaka 26, aliwahi kuzichezea Manchester City na baadae kupelekwa kwa Mkopo kuichezea Everton na Galatasaray na baadae kurudi kwao kucheza na Internacional na kisha Klabu yake ya sasa Atletico Mineiro ambako ameng'ara sana na Mastraika wenzake Ronaldinho na Diego Tardelli.